Usne kaha Mujh se kitna Pyaar hai

Usne kaha Mujh se kitna Pyaar hai..
Main ne kaha Sitaron ka koie Shumaar hai…
Usne kaha kaun Tumhe hai bahut Azeez..
Main ne kaha Dil pe Jise Ikhtiyar hai…
Usne kaha kaun sa Tohfa hai pasand..
Main ne kaha Woh Sama jo aab tak Udhaar hai…
Usne kaha saath kahan tak Nibhaoge..
Main ne kaha jitni yeh Saanson ki Taar hai…
Usne kaha Mujh ko Yakeen aaye kis tarah..
Main ne kaha Mera Naam hi Aitbaar hai

Tujhe kia khabar Mere Haal ki

Tujhe kia khabar Mere Haal ki'
Mere Dard Mere Malaal ki'
Yeh Mere khayal ka Silsila'
Kisi Yaad se hai Mila hua'
Usse dekhna' Usse Sochna'
Meri Zindagi ka hai Faisla'
Yeh Ussi ki Palkun k Saaye hen'
Meri Rooh mein jo Utar gaey'
Yeh Janoon-e-Manzil-e-Ishq hai'
Jo Chale tau Jaan se guzar gaey......

Mujhe iss Muqaam pe chorna'
hai yeh Be'wafai ki inteha'
yeh qafs ho jese khuli fizaa'
Yehin Sukh ka Saans Main Loon sada'
Jinhen Teri Deed ki piyaas thi'
Wo Katoray Nainun se bhar gaey'
yeh Janoon-e-Manzil-e-Ishq hai'
Jo Chale tau Jaan se Guzar gaey......

Tujhe bhool jaon tau kis tarha...?

Tujhe bhool jaon tau kis tarha...?
Abhi Chahtun mein Sha'our hai'
Abhi Faaslun mein Saroor hai'
Abhi Hoaslun mein Gharoor hai'
Tujhe bhool jaon tau kis tarha...?

Abhi Soch hai Teri Zaat tak'
Abhi Yaad hai teri Yaad tak'
Abhi Baat hai Teri Baat tak'
Tujhe bhool jaon tau Kis tarha...?

Abhi Bad'gumani gumaan hai'
Abhi Khuwahishun mein Uraan hai'
Abhi Jism hai Abhi Jaan hai'
Tujhe bhool jaon tau kis tarha...?

Tum” nahi hote…

WAHAN NA PHOOL KHILTE HAIN
Na he mousam badlate hain
Wahan per kuch nahi hota
Jahan per “Tum” nahi hote…
Yahan wese to her saughat
Asaani se millti hai
Mera bass dill nahi lagta,,
Jahan per “Tum” nahi hotay….
Yahan to log sadiyon ko b
Lamhon main badalte hain..
Mera ek pal nahi kat’ta ,,
Jahan per “Tum” nahi hote…
Sabab ronay ka wo pouchain
To Qasid itna keh dena..
Mujhe hansna nahi aata ..
Jahan per “Tum” nahi hote…!!!

Muhabbat Dard Ka Sehraa

Muhabbat Dard Ka Sehraa,, Muhabbat Mustaqil Ghum Hai
Muhabbat Aik Pachtawa,, Muhabbat Mustaqil Ghum Hai

Wahi Dard Aaashna Aankhian,, Wahi Betab Se Aanso
Wahi ik Hijar Ka Darya’ Muhabbat Mustaqil Ghum Hai

Wahi Hai Aabla-e-dil Wahi Paaon Kay Chalay Hain
Wahi Kanton Barha Rasta’ Muhabbat Mustaqil Ghum Hai

Wahi Surgooshian Ghum Ki’ Wahi Rut Ratjagon Wali
Abhi Tuk Khuch Nahi Badla’ Muhabbat Mustaqil Ghum Hai

Wahi Hum Log Dewanay Wahi Hai Dard Ka Rasta
Muhabbat Ka Wahi Soda’ Muhabbat Mustaqil Ghum Hai

Muhabbat Dard Hai Jub Dard Dil Main Aan Basta Hai
To Phir Dil Se Nahi Jata’ Muhabbat Mustaqil Ghum Hai

Wahi Dil Dard Ka Tukra Wahi Sham-e-judai Hai
Kahin Bhi Khuch Nahi Badla’ Muhabbat Mustaqil Ghum Ha.