Raaste alag hon agar
Raahen milti na hon kahin
saath gar chhote kabhi to
aas na chhodna
yaadon mein basaana mujhe
dil mein jagah dena
bas itna hi anurodh
Jaise mile the ham yahin
phir waise hi milein
yeh ummeed rakhna sada
meri tarah.... meri tarah
tum bhi kabhi
yaadon ke panne kholna
dhool si bikhri ho agar
to haath se hi jhaadna
aur phoonk tum na maarna
ke shabd dhundhle na paden
jo kuch likhe hon pyaar se
Yaad tum rakhna mujhe bas
vyastata jitni bhi ho
ek pal ko sochna yeh
duniya mein koyi aisa bhi hai
jo bas tumhaari hi khushi mein
khush bhi rehta hai..
sukhi bhi...
Doston mat bhoolna
Mere doston mat bhoolna...
No comments:
Post a Comment