Ek Khwahish mohabbat ki
ke tujhpe waari jaaoon
teri saare gham samet loon
tujhpe saari khushiyan lutaoon
tujhse hai mera jeena
tere sadke jeeti hoon
tere khayalon mein jeeti main
teri baahon mein zinda hoon
tujhse mera bachpan
aaj bhi zinda hai mujhme
teri wajah se hee main
khilkhilati hansi hasti hoon
teri parineeta jo hui main
khoya maine babul ka aangan
khush hoon tujhme chhupke main
mere yauvan ki naav tere sahaare
teri khushbu rehti hai
hamesha meri saanson mein
tera tasavuur rehta hai
hamesha mere khayalon mein
jab tumhe bhi pata hai
ye mera saara afsaana
phir kyun mujhe tadpaate ho
in chhoti nadaaniyon se
kyun mera dil dukhaate ho
apni in ruswaiyon se
tumhe lagta hoga ki
hai ek chhoti si baat
magar dil bhujha de aise
jaise amaavas ki koi raat
mere hamnawaa aisa sila na do
ki tumhe pyar na kar paayen
tumse khafa rahen aur tumhe
koi galat baat keh jaayen
itna na tadpao humen
ek choti si guzaarish hai
thoda kareeb aao mere
thoda kareeb aane do mujhe
tumhari hoon hamesha
tumhara saath chahti hoon
tumhari har khushi pe
nisaar hona chahti hoon
kabhi jhooth na bolna bas
ek choti si guzaarish hai
thoda aur kareeb aao mere
mujhme yun samaa jaao
chhoti si jo ye guzaarish hai
ek khwahish mohabbat ki
use poora kar dena humkadam
humara hayaat e safar abhi bahut hai baaki
No comments:
Post a Comment