Kyu ye duuriyan mit.ti nahi

Kyu ye duuriyan mit.ti nahi
Yeh sarhadein hat.ti nahi
Kyu hai riyasat dushman is pyar kii
Ek yeh andheri raat hai jo akele kat.ti nahi

Yeh faasle hain jo badte ja rahe hain
Or ek yeh milne ki aas hai jo dil se jaati nahi
Do dil hain jo kareeb aa rahein hain
Par ye kismat hai jo inka saath degi nahi

Kyu zindgi saath kat sakti nahi
Kyu do aankhein ek khwab dekh sakti nahi
Kyu karar deta hai zamana isse ek gunah ka
Kyu yeh soch is zamane ki badal sakti nahi

Kya ham ek doosre ka saath kabhi nibha payenge
Ya apno ki khushi ke kiye
Apne jazbaato ko dafn karte jayenge

Kya ham kabhi pyar ka izhar kar payenge
Ya apno ko ghum na ho is wajah se
Ek doosre ko pyar ke badle nafrat hi diye jayenge