Ik din younhi bethe bethe
Us ne mujh se pooch lia tha
"Tum ne kisi se pyaar kia hai?
Ulfat ka izhaar kia hai...?"
Lekin main khamosh raha tha
Wo khud bhi sharmai thi
Thorra sa ghabrai thi...!
Main ne socha barson pehle
Jitne sapne dekhe thay
Un sapnon ko tabeeron se
Hum-aahang ker dene ka
Aik yahi to lamha hai…!
Lekin phir ye socha main ne
Jaane us k dil main kia ho?
Jaane mujh ko samajhti kia ho...?
Majboori thi werna main ne
Aik usi se pyaar kia tha...!!!
No comments:
Post a Comment